IFOAM – МІЖНАРОДНАЯ ФЕДЭРАЦЫЯ РУХАЎ ЗА АРГАНІЧНУЮ СЕЛЬСКУЮ ГАСПАДАРКУ
IFOAM распрацаваў наступныя правілы экалагічнай вытворчасці:
– Працаваць як мага больш у межах замкнёнай сістэмы і прыцягваць мясцовыя рэсурсы.
– Арганічная сельская гаспадарка адмаўляецца, наколькі гэта магчыма, ад закупу ўгнаенняў і кормаў. У экалагічнай сельскай гаспадарцы арганічныя ўгнаенні купляюцца вельмі рэдка, ў выпадку крайняй неабходнасці. Атрымоўванае арганічнае ўгнаенне ад жывёлагадоўлі з’яўляецца асновай для падвышэння ўрадлівасці глебы і забеспячэнні раслін пажыўнымі рэчывамі.
– Угнаенне глебы азотам ажыццяўляецца пасродкам апрацоўкі раслін сямейства бабовых (20-33% бабовых як асноўнай культуры). Дзякуючы актывізацыі глебавых працэсаў падвышаецца даступнасць азоту і іншых неабходных мінеральных элементаў у глебе.
– Ідэя замкнёнага цыклу ў гаспадарцы з’яўляецца як экалагічным, так і эканамічным прынцыпам. Эканомія выдаткаў дзякуючы скарачэнню закупаў сродкаў вытворчасці прыкметна адлюстроўваецца на эканоміцы экалагічных прадпрыемстваў.
– Падтрымліваць доўгачасовую ўрадлівасць глебы.
– Вырабляць дабраякасныя прадукты сілкавання з высокім утрыманнем пажыўных рэчываў.
– Звесці да мінімуму выкарыстанне энергіі выкапнёвага паліва ў сельскагаспадарчай практыцы.
– Забяспечыць сельскагаспадарчым жывёлам умовы жыцця, якія адпавядаюць іх фізіялагічным запатрабаванням, а таксама экалагічным і гуманітарным прынцыпам.
– Ужываць і распрацоўваць адпаведную тэхналогію, заснаваную на разуменні біялагічных сістэм.
АСНОЎНЫЯ СТАНДАРТЫ ДЛЯ ЭКАЛАГІЧНАЙ ВЫТВОРЧАСЦІ І ПЕРАПРАЦОЎКІ
Стандарты IFOAM, пакладзеныя ў аснову стандартаў Еўрапейскага Звяза (ЕЭС № 2092/91). Зацверджаныя Генеральнай Асамблеяй IFOAM у Базелі, Швейцарыя, верасень 2000 г.
Экалагічная вытворчасць і перапрацоўка маюць сваёй асновай вызначаныя прынцыпы і ідэі. Усе яны вельмі важныя і пералічаныя далей не абавязкова ў залежнасці ад іх значэння.
- Вырабляць прадукты харчавання высокай якасці ў дастатковым аб’ёме.
- Узаемадзейнічаць канструктыўным шляхам з прыроднымі сістэмамі і цыкламі.
- Улічваць сацыяльнае і экалагічнае ўздзеянне экалагічнай вытворчасці і сістэмы перапрацоўкі, якія стала павялічваюцца.
- Падтрымліваць і пашыраць біялагічныя цыклы ў сістэме вядзення гаспадаркі і перапрацоўкі, якія уключаюць у сабе мікраарганізмы, зямную флору і фауну, расліны і жывёл.
- Развіваць каштоўныя і ўстойлівыя водныя экасістэмы.
- Захоўваць і падвышаць урадлівасць глеб на доўгатэрміновай аснове.
- Захоўваць генетычную разнастайнасць вытворчых сістэм і іх асяроддзя, уключаючы абарону раслін, дзікіх птушак і жывёл.
- Падтрымліваць здаровае выкарыстанне і дбайную ахову вады, водных рэсурсаў і любога жыцця ў ёй.
- Наколькі можна, шырока выкарыстоўваць рэсурсы, якія абнаўляюцца, ў арганізаваных вытворчых сістэмах на месцах.
- Дамагацца гарманічнай раўнавагі паміж раслінаводствам і жывёлагадоўляй.
- Гарантаваць усім сельскагаспадарчым жывёлам умовы жыцця, якія адпаведна улічваюць асноўныя аспекты іх прыроджаных паводзін.
- Звесці да мінімуму ўсе формы забруджвання навакольнага асяроддзя.
- Перапрацоўваць экалагічную прадукцыю пры выкарыстанні рэсурсаў, якія абнаўляюцца.
- Вырабляць экалагічныя прадукты, якія цалкам раскладаюцца на біялагічным узроўні.
- Вырабляць высакаякасныя тэкстыльныя матэрыялы.
- Кожнаму занятаму ў экалагічнай вытворчасці і перапрацоўцы забяспечыць умовы жыцця адпаведна асноўным запатрабаванням, і спрыяць адпаведнай узнагародзе і атрыманню задавальнення ад працы, уключаючы бяспечныя ўмовы працы.
- Працаваць у кірунку дасягнення цэласнага ланцужка экалагічнай вытворчасці, перапрацоўкі і размеркавання, які павінен быць сацыяльна справядлівы і экалагічна адказны.